கொங்கணாபுரம் கூட்டுறவு விற்பனை சங்கத்தில் ரூ35 லட்சத்திற்கு பருத்தி ஏலம்

சேலம் மாவட்டம் எடப்பாடி அருகே கொங்கணாபுரத்தில் திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்க கிளை செயல்பட்டு வருகிறது. ஞாயிற்றுக்கிழமை இன்று நடைப்பெற்ற பருத்தி டெண்டரில் சேலம், நாமக்கல், ஈரோடு, திருப்பூர் மாவட்டத்தை சேர்ந்த விவசாயிகள் மற்றும் வியாபாரிகள் 50 க்கும் மேற்பட்டோர் கலந்துகொண்டனர். சுமார் 1350 பருத்தி மூட்டைகள் விவசாயிகளால் கொண்டவரப்பட்டு மொத்தம் 300 லாட்டுகளாக  வைத்து ஏலம் விடப்பட்டது. BT ரக பருத்தி குவிண்டால் ஒன்றுக்கு குறைந்தபட்சமாக ரூபாய் 7600 முதல் அதிக பட்சமாக ரூபாய் 8569 வரையிலும் கொட்டு ரகம் பருத்தி ரூ 4460 முதல் ரூ 5425 விலை விற்று தீர்ந்து மொத்தம் 35லட்சம் ரூபாய்க்கு விற்பனை நடைப்பெற்றது. அடுத்த டெண்டர் 14.09.24 சனிக்கிழமை  நடைபெறும் என தெரிவிக்கப்பட்டுள்ளது.