ஸ்ரீ ராகவேந்திரரின் 353 ஆம் ஆண்டு குருபூஜை விழா.

பரமத்திவேலூர்,ஆக.23- பரமத்திவேலூர் அருகே  அனிச்சம்பாளையத்தில் எழுந்தருளியுள்ள ஸ்ரீ ராகவேந்திரரின் 353 -ம் ஆண்டு குரு பூஜை விழாவை முன்னிட்டு நேற்று சிறப்பு அபிஷேக ஆராதனையும், சிறப்பு அலங்காரமும் நடைபெற்றது. அனிச்சம்பாளையத்தில் எழுந்தருளி இருக்கும் பழமையான ஸ்ரீ ஸ்ரீ ஸ்ரீ நிதி தீர்த்தரு மகா சுவாமிகள் பிருந்தாவனத்தில் ஸ்ரீ ராகவேந்திரன் 353- வது குரு பூஜை விழா நேற்று நடைபெற்றது. விழாவை‌ முன்னிட்டு  ஸ்ரீ ராகவேந்திரருக்கு  சிறப்பு அபிஷேகம் செய்யப்பட்டு துளசி, வண்ணநறுமலர்கள் மூலம் அலங்காரம் செய்யப்பட்டு கஸ்துாரி மஞ்சளில் அர்ச்சனையும், மகா தீபாராதனையும் நடைபெற்றது. அதனை தொடர்ந்து  லட்சுமி நரசிம்மர் சிறிய தேரில் எழுந்தருளி கோவிலை சுற்றி வலம் வந்து பக்தர்களுக்கு காட்சி அளித்தார். இந்த குரு பூஜை விழாவில் அனிச்சம்பாளையம் மற்றும் பரமத்திவேலூர் சுற்று வட்டார பகுதிகளைச் சேர்ந்த ஏராளமான பக்தர்கள் மற்றும் பொதுமக்கள் கலந்து கொண்டு ஸ்ரீ ராகவேந்திரரை தரிசனம் செய்தனர்.