மது வாங்கி கொடுக்க மறுத்த வாலிபரை தாக்கிய 4 பேர் கைது

மது வாங்கி கொடுக்க மறுத்த வாலிபரை தாக்கிய 4 பேர் கைது கோபி அருகே உள்ள சிங்கிரிபாளையம் கணேசபுரத்தை சேர்ந்தவர் துரைசாமி. இவருடைய மகன் அரசகுமார் (வயது 27). கூலித்தொழிலாளியான இவர் அதே பகுதியில் உள்ள டாஸ்மாக் கடையில் மதுகுடித்துக்கொண்டு இருந்தார். அப் போது அங்கு ஏற்கனவே மது குடித்துக்கொண்டிருந்த காசி பாளையத்தை சேர்ந்த முருகேசன் (43), அரவிந்தன் (21), ஹைதர் அலி (19), கரட்டுப்பாளையத்தை சேர்ந்த ஹரீஸ் சந்துரு (19) ஆகிய 4 பேர் அரசகுமாரிடம் மது வாங்கி கொடுக்குமாறு கூறி உள்ளனர். இதனால் அவர்களுக்கிடையே தகராறு ஏற்பட்டு உள்ளது. தகராறு முற்றியதில் 4 பேரும் ஆத்திரம் அடைந்து அரசகுமாரை தாக்கியதாக கூறப்படுகிறது. இதுகுறித்த புகாரின் பேரில் கடத்தூர் போலீசார் வழக்குப்பதிவு செய்து விசாரணை நடத்தி 4 பேரையும் கைது செய்தனர்