பூ மார்க்கெட்டில் புத்தகங்கள் விற்பனை செய்யும் போது தகராறு.4-பேர் கைது.

பூ மார்க்கெட்டில் புத்தகங்கள் விற்பனை செய்யும் போது தகராறு.4-பேர் கைது. கரூர் மாநகராட்சிக்கு உட்பட்ட கெந்த பொடிக்கார தெருவை சேர்ந்தவர் அமீர் வயது 58. இவரது மகன் ஜாபருதீன் வயது 36. இவர்கள் இருவரும் கரூர் பூ மார்க்கெட் அருகே புத்தக கடை நடத்தி வந்தனர். இதே போல, கரூர் வி பசுபதிபாளையம் பகுதியைச் சேர்ந்த முனியப்பன் மற்றும் குப்பிச்சிபாளையம், எல்லமேடு அருகே உள்ள காவிரி நகரை சேர்ந்த பவுன்ராஜ் ஆகிய இருவரும் மற்றொரு புத்தகக் கடையை அருகிலேயே அமைத்து வியாபாரம் செய்தனர். இந்நிலையில் நவம்பர் 11ஆம் தேதி மாலை 4 மணி அளவில் வியாபார போட்டி காரணமாக இருதரப்பினரிடையே வாய் தகராறு ஏற்பட்டது. அப்போது ஒருவருக்கொருவர் சத்தமிட்டு சண்டையிட்டுக் கொண்டனர். இதனால் பொது அமைதி குறைந்ததால், சம்பவம் அறிந்து சம்பவ இடத்துக்குச் சென்ற கரூர் காவல் உதவி ஆய்வாளர் நாகராஜன், பொது அமைதிக்கு குந்தகம் விளைவித்ததாக இருதரப்பினரை சேர்ந்த 4 பேர் மீதும் வழக்கு பதிவு செய்தனர். பின்னர் நான்கு பேரையும் காவல் நிலைய பிணையில் விடுவித்து நடவடிக்கை மேற்கொண்டனர் கரூர் மாநகர காவல் துறையினர்.