சேலம் மாவட்ட வேலைவாய்ப்பு அலுவலகத்தில் நடைபெற்ற டி.என்.பி.எஸ்.சி. குரூப்-4 மாதிரி தேர்வு

சேலம் கோரிமேட்டில் உள்ள மாவட்ட வேலைவாய்ப்பு அலுவலகத்தில் அரசு தேர்வுக்காக பல்வேறு பயிற்சிகள் இலவசமாக நடத்தப்பட்டு வருகிறது. இந்த நிலையில் நேற்று டி.என்.பி.எஸ்.சி. குரூப்-4 தேர்வுக்கான மாதிரி தேர்வு நடைபெற்றது. இந்த தேர்வை 187 பேர் எழுதினர். காலை 10 மணிக்கு தொடங்கிய இந்த தேர்வு மதியம் 1 மணி வரை நடந்தது. இதில் டி.என்.பி.எஸ்.சி. தேர்வாணையம் நடத்துவது போல் வினாத்தாள் வழங்கப்பட்டு அதன் விடையை எழுதுவதற்காக ஓ.எம்.ஆர். சீட்டும் வழங்கப்பட்டது. இந்த தேர்வை இளைஞர்கள், பெண்கள் ஆர்வமுடன் எழுதினர். பின்னர் உடனடியாக விடைத்தாள் திருத்தப்பட்டு அவர்களுக்கு மதிப்பெண் வழங்கப்பட்டது.