துறைமுகத்தை வருகிற 5ஆம் தேதி பொதுமக்கள் பார்வையிட அனுமதி

தூத்துக்குடி வஉசி துறைமுகத்தை வருகிற 5ஆம் தேதி பொதுமக்கள் பார்வையிட அனுமதி அளிக்கப்பட்டுள்ளது. இது தொடர்பாக தூத்துக்குடி வ.உ.சி. துறைமுக ஆணையம் வெளியிட்டுள்ள செய்திக்குறிப்பில் கூறியிருப்பதாவது: தூத்துக்குடி வ.உ.சி துறைமுக ஆணையம் சார்பில் கப்பலோட்டிய தமிழர் வ.உ.சியின் 153-வது பிறந்தநாள் விழா வருகிற 5ஆம் தேதி (வியாழக்கிழமை) சிறப்பாக கொண்டாடப்படுகிறது. மேலும் வ.உ.சியின் பிறந்தநாளை முன்னிட்டு வ.உ.சி. துறைமுகத்தை பொதுமக்கள் 5-ஆம் தேதி காலை 9 மணி முதல் மாலை 4.30 மணி வரை பார்வையிடலாம். துறைமுகத்தை பார்வையிட விரும்பும் பொதுமக்கள் நேரடியாக துறைமுகத்தின் கிரீன் கேட் பகுதிக்கு வர வேண்டும். அங்குள்ள அதிகாரிகள் உரிய விசாரணைக்குப் பிறகு துறைமுகத்தை பார்வையிட அனுமதிப்பார்கள் என்று தெரிவிக்கப்பட்டுள்ளது.