பேரூர்: மருதமலை கோவிலில் ரூ.51 லட்சம் உண்டியல் காணிக்கை !

கோவை மருதமலையில் பிரசித்தி பெற்ற சுப்பிரமணிய சுவாமி கோவிலில் பக்தர்கள் செலுத்திய உண்டியல் காணிக்கையை எண்ணும் பணி நேற்று நடைபெற்றது.இந்த மாதத்திற்கான உண்டியல் காணிக்கையை எண்ணியதில், கோவிலில் உள்ள 14 பொது உண்டியல்களில் மொத்தம் ரூ.48 லட்சத்து 31 ஆயிரத்து 590-ம், கோசாலை உண்டியலில் ரூ.2 லட்சத்து 61 ஆயிரத்து 245-ம் என மொத்தம் ரூ.50 லட்சத்து 92 ஆயிரத்து 835 காணிக்கையாக செலுத்தி இருந்தனர். இதுதவிர 23 கிராம் தங்கம், 1 கிலோ 700 கிராம் வெள்ளியும் காணிக்கையாக கிடைத்தது.கோவில் அறங்காவலர் குழு தலைவர், துணை ஆணையர், அறங்காவலர் குழு உறுப்பினர்கள், முன்னிலையில் பணியாளர்கள் மற்றும் பக்தர்கள் உண்டியல் எண்ணும் பணியில் ஈடுபட்டனர்.