குளித்தலை கிளை நூலகத்தில் 57 ஆம் ஆண்டு தேசிய நூலக வார விழா

கரூர் மாவட்டம் குளித்தலை கிளை நூலகத்தில் 57 ஆம் ஆண்டு தேசிய நூலக வார விழா நிகழ்ச்சி இன்று நடைபெற்றது. குளித்தலை எம்எல்ஏ மாணிக்கம் கலந்து கொண்டு வினாடி வினாவில் வெற்றி பெற்ற மாணவர்களுக்கு பரிசுகளை வழங்கி சிறப்புரை ஆற்றினார். இதில் நூலக வாசகர் வட்ட தலைவர் கிராமிய நாராயணன் தலைமை வகித்தார். முன்னாள் தலைவர் கோபால தேசிகன், துணைத்தலைவர் அந்தோணிசாமி ஆகியோர் முன்னிலை வகித்தனர். இதில் திமுக குளித்தலை மேற்கு ஒன்றிய செயலாளர் தியாகராஜன், தமிழ்ச்செம்மல் முனைவர் கடவூர் மணிமாறன், ஸ்ரீ கலைமகள் மெட்ரிக் மேல்நிலைப்பள்ளி தாளாளர் ரம்யா கருணாநிதி, நூலகர் செல்வராஜ், திமுக நகர துணை செயலாளர் செந்தில் குமார், நகர பொருளாளர் தமிழரசன், நகர் மன்ற உறுப்பினர் சக்திவேல், நகர தொண்டரணி அமைப்பாளர் மது, நூலக வாசகர் வட்ட உறுப்பினர் சுந்தர் மற்றும் ஆசிரியர்கள், வாசகர்கள், மாணவர்கள் என பலரும் கலந்து கொண்டனர்.