சேலம் மாநகராட்சி 6-வது வார்டில் சாக்கடை கால்வாய் பணி

சேலம் மாநகராட்சி அஸ்தம்பட்டி மண்டலம் 6-வது வார்டுக்குட்பட்ட சின்னகொல்லப்பட்டி, பெரியகொல்லப்பட்டி, கோரிமேடு, பெரியார் நகர் பகுதிகளில் சாக்கடை கால்வாய்கள் கட்டும் பணி நடைபெற்று வருகிறது. இந்த பணிகளை மேயர் ராமச்சந்திரன், ஆணையாளர் இளங்கோவன் ஆகியோர் நேரில் பார்வையிட்டு ஆய்வு நடத்தினார். பின்னர் 6-வது வார்டு பகுதியில் சுகாதார வளாகம், அங்கன்வாடி மையங்கள் கட்டுவதற்கான இடங்களை அவர்கள் பார்வையிட்டனர். என்.ஜி.ஜி.ஓ. காலனி பகுதியில் கட்டப்பட்டு உள்ள மேல்நிலை குடிநீர் தொட்டியை பார்வையிட்டனர். அப்போது பொதுமக்களுக்கு தேவையான குடிநீர் வழங்கப்படுகிறதா? என்று அலுவலர்களிடம் கேட்டறிந்தனர். இந்த ஆய்வில் மாநகர பொறியாளர் செல்வநாயகம், உதவி செயற்பொறியாளர் செந்தில்குமார் உள்பட அலுவலர்கள் பலர் கலந்து கொண்டனர்.