நாவல் நகரில் ரூ.60,000- மதிப்புள்ள கட்டுமான பொருட்களை களவாடிய வட மாநில வாலிபர் கைது.

நாவல் நகரில் ரூ.60,000- மதிப்புள்ள கட்டுமான பொருட்களை களவாடிய வட மாநில வாலிபர் கைது. கரூர் மாவட்டம், வெண்ணைமலை, நாவல் நகர், 3வது கிராஸ், அன்பு அவன்யூ பகுதியைச் சேர்ந்தவர் முருகேசன் வயது 49. இவர் தற்போது புதிதாக வீடு கட்டி வருகிறார். வீடு கட்டுவதற்கான கட்டுமான பொருட்களை வீடு கட்டும் இடத்தில் வாங்கி வைத்துள்ளார். மேற்கு வங்காளத்தை சேர்ந்த பாபுகாஜி வயது 33 என்பவர், தற்போது வெண்ணைமலை, நாவல் நகர் பகுதியில் வசித்து வருகிறார். இந்நிலையில் ஆகஸ்ட் 15ஆம் தேதி அதிகாலை 3 மணி அளவில், முருகேசன் வீட்டிற்கு சென்ற பாபுகாஜி, வீடு கட்டுவதற்காக வைத்திருந்த 200 கிலோ மதிப்புள்ள டி எம் டி இரும்பு கம்பிகளையும், 20 எண்ணிக்கையிலான சென்ட்ரிங் சீட்டையும் களவாடியுள்ளார். இது தொடர்பாக முருகேசன் காவல் நிலையத்தில் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், அப்பகுதியில் பொருத்தப்பட்டிருந்த சிசிடிவி கேமராவில் பதிவான காட்சிகளின் அடிப்படையில், கட்டுமான பொருட்களை களவாடிய பாபுகாஜியை கைது செய்து, களபாடியா ரூபாய் 60 ஆயிரம் மதிப்பிலான கட்டுமான பொருட்களை மீட்டு,அவர் மீது வழக்கு பதிவு செய்து, நீதிமன்றத்தில் ஆஜர் படுத்தி, சிறையில் அடைத்து நடவடிக்கை மேற்கொண்டனர் வாங்கல் காவல்துறையினர்.