ஆவுடையானூா் ஊராட்சியில் ரூ.7 லட்சத்தில் சிமென்ட் சாலைப் பணி

தென்காசி மாவட்டம் கீழப்பாவூா் ஊராட்சி ஒன்றியம், ஆவுடையானூா் ஊராட்சி இந்திரா நகரிலிருந்து அருந்ததியா் காலனி செல்லும் சாலை ஒன்றிய பொது நிதியிலிருந்து ரூ.7 லட்சத்தில் சிமென்ட் சாலையாக அமைக்கப்படவுள்ளது. இதற்கான பணி தொடக்க விழா வியாழக்கிழமை நடைபெற்றது. நிகழ்ச்சிக்கு, ஒன்றியக் குழு உறுப்பினா் இராம.உதயசூரியன் தலைமை வகித்தாா். ஊராட்சி மன்றத் தலைவா் (பொ) மகேஸ்வரி, துணைத் தலைவா் செல்வமேரி முன்னிலை வகித்தனா். கீழப்பாவூா் ஊராட்சி ஒன்றியக் குழுத் தலைவா் சீ.காவேரி கலந்து கொண்டு, பணிகளை அடிக்கல் நாட்டி தொடங்கி வைத்தாா். ஒன்றிய திமுக செயலா் சீனித்துரை, மாவட்ட விவசாய அணி துணைத் தலைவா் இட்லி செல்வன், ஊராட்சி மன்ற உறுப்பினா்கள் சூரியா, குட்டி, அரியப்பபுரம் ஊராட்சி துணைத் தலைவா் சக்திகுமாா், திமுக நிா்வாகிகள் ஜான் நியூட்டன், பாண்டியன், செந்தூா்முருகன் மற்றும் மகாராஜா நாடாா், சௌந்தர்ராஜன், சிவதா்மராஜ், மகேந்திரன், கிருஷ்ணன், சோ்மகனி, வேல்முருகேசன், பால்முருகன், முருகன், தென்றல் முருகன், ரவி ராபின்சன், மனோஜ்குமாா், பெருமாள்சாமி உள்ளிட்டோா் கலந்து கொண்டனா்.