மகிழ்வோர் மன்றத்தின் 82-ஆவது மாதக் கூட்டம்

தூத்துக்குடி மாவட்டம், கோவில்பட்டி மகிழ்வோர் மன்றத்தின் 82-ஆவது மாதக் கூட்டம், என்கே மஹாலில் நடைபெற்றது. நிகழ்ச்சிக்கு, கோவில்பட்டி, அனுபாலா மருத்துவமனை மகப்பேறு மருத்துவர் தீபா தலைமை தாங்கினார். கோவில்பட்டி வட்டார வளமைய ஆசிரியர் பயிற்றுநர் செ. முப்பிடாதி அம்மாள் முன்னிலை வகித்தார். மன்றக் காப்பாளர் துரைராஜ் அனைவரையும் வரவேற்றார். மாணவர்கள் நகைச்சவை துணுக்குகள் கூறினர். அதனை தொடர்ந்து சிறப்பு விருந்தினராக கலந்து கொண்ட, "தன்னம்பிக்கை எழுத்தாளர், இலக்கிய ஆன்மீக பேச்சாளர்" "சுமதிஸ்ரீ", "மகிழ்ச்சி... மகிழ்ச்சியைத் தவிர வேறொன்றுமில்லை...!" என்னும் தலைப்பில் மகிழ்வுரை வழங்கினார். மன்றக் காப்பாளர் செல்வின் நன்றி கூறினார். கூட்டத்தில் மன்றக் காப்பாளர்கள் மோகன்ராஜ், சேர்மத்துரை, மன்ற ஆலோசகர் ஹரிகிருஷ்ணன், மருத்துவர் பாலமுருகன், தமிழாசிரியர் ராஜசேகர், ஆசிரியை ராதா, பணிநிறைவு செய்த வங்கி மேலாளர் சுப்பையா உட்பட பலர் கலந்து கொண்டனர்.