நாமக்கல், ராசிபுரம், சேந்தமங்கலம் சட்டசபை தொகுதி திமுக பூத் கமிட்டி நிர்வாகிகள் கூட்டம் நாளை நடைப்பெறுகிறது!- K.R.N.இராஜேஸ்குமார் MP தகவல்

நாமக்கல் கிழக்கு மாவட்ட திமுக சார்பில் நாளை செவ்வாய்க்கிழமை (நவம்பர் 5) சட்டசபை தொகுதி வாரியாக பூத் கமிட்டி நிர்வாகிகள் ஆலோசனைக் கூட்டம் நடைபெறுகிறது. இது குறித்து, நாமக்கல் கிழக்கு மாவட்ட திமுக செயலாளரும், மாநிலங்களவை உறுப்பினருமான ராஜேஷ்குமார் எம்.பி. வெளியிட்டுள்ள செய்திக்குறிப்பில் கூறியிருப்பதாவது... 2026ம் ஆண்டு சட்டசபை தேர்தலுக்காக, திமுக தலைமை அறிவிப்பிற்கு இணங்க பிஎல்ஏ 2 மற்றும் பூத் கமிட்டியை சரிபார்க்கும் பணி மேற்கொள்ளப்படுகிறது. இதன் முதற்கட்டமாக நாமக்கல் கிழக்கு மாவட்டத்திற்கு உட்பட்ட நாமக்கல், சேந்தமங்கலம், ராசிபுரம் ஆகிய 3 சட்டசபை பூத் ஏஜெண்டுகள் (பிஎல்ஏ 2) உட்பட, பூத் கமிட்டி நிர்வாகிகள் ஆலோசனைக் கூட்டம் நடைபெற உள்ளது. இக்கூட்டத்தில் எம்எல்ஏக்கள், மாவட்ட, தலைமைக்கழக திமுக நிர்வாகிகள், நகர, ஒன்றிய, டவுன் பஞ்சாயத்து நிர்வாகிகள், கிளைச் செயலாளர்கள், பிஎல்ஏ 2, வார்டு செயலாளர்கள், அனைத்து சார்பு அணி நிர்வாகிகள், வார்டு கிளை பிரதிநிதிகள், கட்சியின் முன்னோடிகள், உள்ளாட்சி அமைப்பின் பிரதிநிதிகள் ஆகியோர் தவறாமல் கலந்து கொள்ள வேண்டும். இத்தொகுதி கூட்டத்தில் கட்சித் தலைமையால் நியமிக்கப்பட்டுள்ள சட்டசபை தேர்தல் பார்வையாளர்கள் கலந்துகொண்டு பேச உள்ளனர்.சேந்தமங்கலம் சட்டசபை தொகுதிக்கான பூத் கமிட்டி நிர்வாகிகள் ஆலோசனைக் கூட்டம் நாளை (நவம்பர் 5) செவ்வாய்கிழமை காலை 8.30 மணிக்கு, சேந்தமங்கலம் ஐஸ்வர்யா மஹாலில் நடைபெறுகிறது.சேந்தமங்கலம் சட்டசபை தொகுதி பார்வையாளர், மாநில மகளிர் தொண்டர் அணி துணை செயலாளர் ரேகா பிரியதர்ஷினி கூட்டத்தில் கலந்துகொண்டு பேசுகின்றார்.ராசிபுரம் சட்டசபை தொகுதிக்கு உட்பட்ட பூத் கமிட்டி நிர்வாகிகள் கூட்டம் நாளை (நவம்பர் 5) செவ்வாய்கிழமை காலை 11 மணிக்கு ராசிபுரம் லயன்ஸ் கிளப் சுமங்கலி மஹாலில் நடைபெறுகிறது. தொகுதி பார்வையாளர், மாநில நெசவாளர் அணி தலைவர் நன்னியூர் ராஜேந்திரன் கூட்டத்தில் கலந்துகொண்டு பேசுகிறார்.நாமக்கல் சட்டசபை தொகுதிக்கான பூத் கமிட்டி நிர்வாகிகள் கூட்டம் நாளை (நவம்பர் 5) செவ்வாய்கிழமை பகல் 12.30 மணிக்கு, நளா ஹோட்டலில் நடைபெறுகிறது. தொகுதி பார்வையாளர், மாநில சிறுபான்மையினர் நல உரிமைப்பிரிவு துணை செயலாளர் முனைவர் ஜான் கூட்டத்தில் கலந்துகொண்டு பேசுகிறார். இவ்வாறு அவர் தெரிவித்துள்ளார்.