சேலத்தில் மோட்டார் சைக்கிள் உதிரிபாக கடையில் ரூ.1½ லட்சம் திருட்டு !

சேலம் பள்ளப்பட்டி பகுதியில் மோட்டார் சைக்கிள் உதிரிபாக விற்பனை கடை ஒன்று உள்ளது. இங்கு மேலாளராக நடராஜன் (வயது 41) என்பவர் உள்ளார். கடந்த 12-ந் தேதி அவர் கடையை பூட்டிவிட்டு வீட்டிற்கு சென்றார். பின்னர் மறுநாள் வந்தபோது கடையின் பூட்டு உடைக்கப்பட்டு கிடப்பதை கண்டு அதிர்ச்சி அடைந்தார். இதையடுத்து நடராஜன் உள்ளே சென்று பார்த்தபோது, உரிமையாளரின் அறையில் இருந்த ரூ.1.50 லட்சத்தை மர்மநபர்கள் திருடி சென்றிருப்பது தெரிந்தது. இதுபற்றி அவர் பள்ளப்பட்டி போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.