100% வாக்குப்பதிவு குறித்த விழிப்புணர்வு ஊர்வலம்

வெள்ளகோவில் அறிஞர் அண்ணா அரசு பள்ளி மாணவ மாணவிகள் பங்கேற்ற 100 சதவீத வாக்குப்பதிவு விழிப்புணர்வு ஊர்வலம் நடைபெற்றது. வெள்ளகோவில் கரூர் சாலையில் உள்ள அறிஞர் அண்ணா அரசு மேல்நிலைப்பள்ளி மாணவ மாணவிகள் பங்கேற்ற ஊர்வலம் பள்ளியில் தொடங்கியது. தொடர்ந்து காங்கேயம் சாலையில் நடேசன் நகர் வழியாக காவல் நிலைய வரை சென்று திரும்பியது.

இதில் தேர்தல் நாட்டின் பெருமைமிகு மிகப்பெரிய ஜனநாயக திருவிழா அதில் வாக்காளர்கள் அனைவரும் பங்கேற்க வேண்டும் நமது இலக்கு 100% வாக்குப்பதிவு எனக்கு கோஷங்கள் எழுப்பப்பட்டது. ஊர்வலத்தில் வெள்ளகோவில் நில வருவாய் ஆய்வாளர் சுந்தரி, கிராம நிர்வாக அலுவலர் கௌசல்யா, மற்றும் பள்ளி ஆசிரியர் ஆசிரியைகள் உடன் கலந்து கொண்டனர்.