1000க்கும் மேற்பட்ட டாஸ்மாக் மதுபான பாட்டில்கள் பறிமுதல்

திண்டுக்கல் மாவட்டம் மேற்கு தொடர்ச்சி மலையில் அமைந்துள்ள கொடைக்கானலில் அடுக்கம் ஊராட்சிக்கு உட்பட்ட சாமக்காட்டு பள்ளம் என்ற பகுதியில் செல்வம் என்பவருடைய தோட்டத்து வீட்டில் மதுபானங்கள் விற்பதாக கொடைக்கானல் காவல்துறையினருக்கு ரகசிய தகவல் கிடைத்துள்ளது. இதுகுறித்து கொடைக்கானல் காவல் ஆய்வாளர் பாஸ்கரன் தலைமையில் தனிப்படை அமைத்து கண்காணித்து வந்துள்ளனர். சாமகாட்டு பள்ளம் பகுதியில் காவல்துறையினர் அதிரடி சோதனையில் ஈடுபட்டு ஆயிரத்திற்கும் மேற்பட்ட டாஸ்மாக் மதுபான பாட்டில்களை பறிமுதல் செய்தனர். காவல்துறையினரை கண்டதும் செல்வம் தப்பித்து ஓடியதாக கூறப்படுகிறது. கொடைக்கானல் காவல்துறையினர் வழக்கு பதிவு செய்து செல்வத்திற்கு டாஸ்மாக் மதுபானங்கள் வினியோகம் செய்தது யார் என்று விசாரணை மேற்கொண்டு வருகின்றனர். தப்பியோடிய செல்வத்தை தேடும் பணியில் காவல்துறையினர் ஈடுபட்டு வந்துள்ளனர்.