பத்தாம் வகுப்பு பொது தேர்வு இன்று தொடங்கியது

தமிழகம் முழுவதும் எஸ்.எஸ்.எல்.சி. பொது தேர்வு இன்று தொடங்கியது. இந்த தேர்வு ஏப்ரல் மாதம் 8-ந் தேதி வரை நடைபெறுகிறது. சேலம் மாவட்டத்தில் 10-ம் வகுப்பு பயிலும் 22 ஆயிரத்து 89 மாணவர்கள், 21 ஆயிரத்து 181 மாணவிகள் என மொத்தம் 43 ஆயிரத்து 270 பேர், 184 தேர்வு மையங்களில் பொதுத் தேர்வு எழுதினர்.

பொதுத் தேர்வுப் பணியில் சேலம் மாவட்டத்தில் உள்ள பள்ளிகளில் பணிபுரியும் 30 ஆயிரத்திற்கும் மேற்பட்ட தலைமையாசிரியர்கள், பட்டதாரி ஆசிரியர்கள், ஆசிரியரல்லா பணியாளர்கள் ஈடுபட்டுள்ளனர். சேலம் மனக்காடு அரசு மகளிர் மேல்நிலைப் பள்ளியில் தேர்வு எழுதிய மாணவிகளை கலெக்டர் பிருந்தா தேவி, முதன்மை கல்வி அலுவலர் கபீர் ஆகியோர் பார்வையிட்டு ஆய்வு செய்தனர்.