1108 திருமந்திரங்கள் முழங்க 251 திருவிளக்கு பூஜை

சிவகங்கை சமஸ்தானம் தேவஸ்தானத்திற்கு உட்பட்ட அ.காளாப்பூர் அருள்மிகு அன்னை ஸ்ரீ வடக்கு வாசல் செல்வி அம்மன் கோயிலில் ஆடி கடைசி வெள்ளிக்கிழமையை முன்னிட்டு 251 திருவிளக்கு பூஜை விமர்சையாக நடைபெற்றது. ஒவ்வொரு ஆண்டும் ஆடி மாதம் கடைசி வெள்ளிக்கிழமை அன்று  திருவிளக்கு பூஜை நடைபெறுவது வழக்கம். அ.காளாப்பூர் சுற்றுவட்டார பகுதிகளை சேர்ந்த 1000க்கும் மேற்பட்ட பெண் பக்தர்கள்  இக்கோயிலில் நடைபெற்ற திருவிளக்கு பூஜையில் கலந்து கொண்டனர்.  முன்னதாக அன்னை ஸ்ரீ வடக்கு வாசல் செல்வி அம்மனுக்கு சிறப்பு அலங்காரம் தீபாராதனை  நடைபெற்றது. அதை தொடர்ந்து பிரசன்னா குருக்கள் திருவிளக்கு பூஜையில் லலிதா சகஸ்ரநாமம்,  108 போற்றி திருவுரு பாராயணம் செய்து வைத்தார். பின்பு மஞ்சள் குங்குமத்தால் அர்ச்சனை செய்து அதற்கு பூஜை செய்தனர். மாங்கல்ய பாக்கியம் நீடிக்கவும். நோய்நொடியில்லா நல்வாழ்கை அமைந்திடவும், நல்ல மணமகன் கிடைக்கவேண்டியும் பிரார்த்தித்து மகா தீபாராத்தி செய்து ஸ்ரீ  வடக்கு வாசல் செல்வி அம்மனை வழிபட்டனர். நிகழ்ச்சியில் ஏராளமான பக்தர்கள் கலந்து கொண்டு சாமி தரிசனம் செய்தனர். இவ்விழாவிற்கான ஏற்பாடுகளை அம்பலகாரர் பார்த்திபன் மற்றும் கிராமத்தார்கள் செய்திருந்தனர்,