போலீஸ் தனிப்பிரிவுக்கு 12 பேர் நியமனம்

நாடாளுமன்ற தேர்தல் இன்னும் ஒருசில வாரங்களில் அறிவிக்கப்பட இருக்கிறது. இதையொட்டி தேர்தல் முன்னேற்பாடு பணிகள் தீவிரமாக நடக்கின்றன. அதேபோல் தேர்தலில் வாக்குப்பதிவு, வாக்கு எண்ணிக்கை ஆகியவற்றின் போது அசம்பாவிதங்கள் நடைபெறாமல் தடுக்க பாதுகாப்பு அளிப்பது மிகவும் முக்கியமானது. எனவே பாதுகாப்பு தொடர்பான முன்னேற்பாடு பணிகளை மேற்கொள்வதற்கு வசதியாக மாவட்டந்தோறும் போலீஸ் தேர்தல் தனிப்பிரிவு தொடங்கப்பட்டு உள்ளது. அதன்படி திண்டுக்கல் மாவட்ட போலீஸ் சூப்பிரண்டு அலுவலகத்தில் போலீஸ் தேர்தல் தனிப்பிரிவு செயல்பட்டு வருகிறது. இந்த தேர்தல் தனிப்பிரிவுக்கு இன்ஸ்பெக்டர் சஜூகுமார், சப்-இன்ஸ்பெக்டர் அழகுபாண்டி மற்றும் 10 போலீசார் என மொத்தம் 12 பேர் நியமிக்கப்பட்டு இருக்கின்றனர்.