ரூ.12.40 லட்சம் கஞ்சா பறிமுதல்

காஞ்சிபுரம் மாவட்டம் குன்றத்துார்அருகே நேற்று காலை தனிப்படை போலீசார் கண்காணிப்பு பணியில் ஈடுபட்டு இருந்தனர். அப்போது, திருமுடிவாக்கம் லாரி ஷெட் அருகே சந்தேகப்படும் படி நின்றிருந்த செங்குன்றத்தை சேர்ந்த சுரேஷ்குமார், 42 என்பவரை பிடித்து விசாரித்தனர். அவரிடம் 12.40 லட்சம் ரூபாய் மதிப்புள்ள 31 கிலோ கஞ்சா இருப்பது தெரிய வந்தது. ஆந்திர மாநிலம், அனந்தபல்லியில் இருந்து கஞ்சாவை கடத்தி வந்து, குன்றத்துார் மற்றும் சுற்றியுள்ள பகுதிகளில் சப்ளை செய்து வந்ததும் தெரியவந்தது. இதையடுத்து சுரேஷ்குமாரை கைது செய்து சிறையில் அடைத்தனர்.