ரேஷன் அரிசி கடத்திய 2 பேர் கைது - 1.6 டன் அரிசி பறிமுதல்

விருதுநகர் அருகே ஆவியூரில் பேருந்து நிறுத்தம் அருகே குடிமைப் பொருள் கடத்தல் தடுப்புப்பிரிவு காவலர் ஆய்வாளர் அனுராதா, சார்பு ஆய்வாளர் கார்த்திகேயன் தலைமையில் வாகன தணிக்கையில் ஈடுபட்டனர். அப்போது மதுரை, மேலஅனுப்பானடி புது மீனாட்சிபுரத்தைச் சேர்ந்த வேல்முருகன் 40, முனிச்சாலை காமராஜபுரத்தைச் சேர்ந்த சுரேஷ் 32, இருவரும் வேனில் 40 பைகளில் 1600 கிலோ ரேஷன் அரிசி கடத்தியதை கண்டறிந்தனர்.வேனை பறிமுதல் செய்து, இருவரையும் கைது செய்தனர். ரேஷன் அரிசியை வாங்கிய மதுரை சிந்தாமணியைச் சேர்ந்த ஸ்ரீ என்பவரை தேடி வருகின்றனர்.