சரக்கு வாகனத்தில் ரேஷன் அரிசி கடத்திய 2 பேர் கைது !

சேலம் சிவதாபுரம் அருகே உணவு கடத்தல் தடுப்பு பிரிவு போலீஸ் சப்-இன்ஸ்பெக்டர் ராமகிருஷ்ணன் தலைமையில் போலீசார் வாகன சோதனையில் ஈடுபட்டனர். அப்போது அந்த வழியாக வந்த சரக்கு வாகனத்தை நிறுத்தி போலீசார் சோதனை செய்தனர்.

இதில் மூட்டைகளில் 2 டன் ரேஷன் அரிசி இருந்தது கண்டுபிடிக்கப்பட்டது. அவற்றை போலீசார் பறிமுதல் செய்தனர். மேலும் இதுதொடர்பாக கிச்சிப்பாளையம் பகுதியை சேர்ந்த வெங்கடேஷ் (வயது 38), நெத்திமேடு பகுதியை சேர்ந்த ராஜா (28) ஆகியோரை போலீசார் கைது செய்து விசாரித்தனர்.

இதில் அவர்கள் சிவதாபுரம், பெரியபுதூர், நெய்காரப்பட்டி பகுதிகளை சேர்ந்த பொதுமக்களிடம் குறைந்த விலைக்கு ரேஷன் அரிசியை வாங்கி நாமக்கல்லில் உள்ள அரவை மில்லுக்கு கடத்தி சென்றது தெரியவந்தது. மேலும் இந்த கடத்தில் தொடர்புடைய பெரியபுதூரை சேர்ந்த கிருஷ்ணராஜ், மெரினா ஆகியோரை போலீசார் தேடி வருகின்றனர்.