சாலையோர தடுப்பு வேலியில் பள்ளிப் பேருந்து மோதியதில் 2 மாணவிகள் காயம்

தூத்துக்குடி மாவட்டம் கழுகுமலை அருகே சாலையோர தடுப்பு வேலியில் பள்ளிப் பேருந்து மோதியதில் 2 மாணவிகள் காயமடைந்தனா். தென்காசி மாவட்டம் சங்கரன்கோவிலையடுத்த செவல்குளத்தில் தனியாா் மெட்ரிக் மேல்நிலைப் பள்ளி உள்ளது. பள்ளிப் பேருந்து மூலம் கழுகுமலை பகுதியில் உள்ள மாணவா்-மாணவிகள் பள்ளிக்கு அழைத்து வரப்படுவாா்களாம்.

அதன்படி திங்கள்கிழமை(டிச.4), மாணவா்-மாணவிகளை ஏற்றிக்கொண்டு, அந்தப் பேருந்து கழுகுமலை குமரேசன் நகா் பகுதியில் சென்றது. அப்போது, வளைவில் கட்டுப்பாட்டை இழந்து, சாலையோர தடுப்பு வேலி மீது மோதி, அருகேயுள்ள பள்ளத்தில் சரிந்தநிலையில் நின்ாம். அங்கிருந்த முள்புதா்களை பொதுமக்கள் அகற்றி, பேருந்தில் இருந்த மாணவா்-மாணவிகளை பத்திரமாக கீழே இறங்கினா்.

இதில், 2 மாணவிகளுக்கு லேசான காயம் ஏற்பட்டது. பேருந்து ஓட்டுநா் ராஜேஷ்குமாரிடம் கழுகுமலை போலீஸாா் விசாரணை நடத்தினா்.