பித்தளை பாத்திரங்களை திருடிய 2 சிறுமிகள் கைது

நீடாமங்கலம் அருகே சோனாப்பேட்டை கிராமம் கீழக்கரை தெருவில் வசித்து வருபவர் கற்பகம். இவரது வீட்டிற்குள் 17 வயது, 13 வயது சிறுமிகள் இரண்டு பேர் புகுந்து அங்கிருந்த பித்தளை பாத்திரங்களை சாக்கு மூட்டையில் கட்டிக்கொண்டு வந்தனர். இதனைப் பார்த்த கற்பகம் இரண்டு பேரையும் பிடித்து நீடாமங்கலம் காவல் நிலையத்திற்கு தகவல் தெரிவித்துள்ளார். தகவல் அறிந்த நீடாமங்கலம் காவல் துறை அலுவலர்கள் சம்பவ இடத்திற்கு வந்து சிறுமிகளிடம் விசாரணை நடத்தினர். இரண்டு பேரும் கற்பகம் வீட்டில் பித்தளை பாத்திரங்களை திருடியதை ஒப்புக்கொண்டனர் . இது குறித்து நீடாமங்கலம் போலீசார் வழக்கு பதிவு செய்து இரண்டு சிறுமிகளையும் கைது செய்தனர்.