பார்வதிபுரம் அருகே அரசு பஸ் -  டெம்போ மோதி 2 பேர் படுகாயம்

குமரி மாவட்டம் நாகர்கோவில் வடசேரியில் இருந்து அரசு பஸ் ஒன்று இன்று காலை திருவனந்தபுரம் நோக்கி சென்று கொண்டிருந்தது. பஸ்ஸை மார்த்தாண்டத்தை சேர்ந்த அஜித் (36) என்பவர் ஓட்டினார். பஸ் பார்வதிபுரம் தாண்டி சுங்கான்கடை பகுதியில் வந்த போது, முன்னால் சென்ற வாகனத்தை முந்த முயற்சி செய்த போது, எதிர்பாராத விதமாக எதிரே வந்த மினி டெம்போவில் மோதியது.

மோதிய வேகத்தில் மினி டெம்போ நிலை குலைந்து அந்த வழியாக வந்த பைக் மீது மோதியது. இதில் மினி டெம்போ டிரைவர் சாத்தான்குளத்தை சேர்ந்த கர்ணன், பைக்கில் சென்ற பரிசேரியை சேர்ந்த முதியவர் அருணாசலம் (62) என்பவரும் படுகாயம் அடைந்தனர். அக்கம் பக்கத்தினர் இருவரை மீட்டு ஆசாரிபள்ளம் அரசு மருத்துவக் கல்லூரி மருத்துவமனையில் சிகிச்சைக்கு சேர்த்தனர். இது குறித்து இரணியல் போலீசார் வழக்கு பதிவு செய்து விசாரணை நடத்தி வருகின்றனர்.