தியாகதுருவம் அருகே ரு 2 லட்சம் பறிமுதல்

கள்ளக்குறிச்சி மாவட்டம் தியாகதுருகம் பி.டி.ஓ., ஜெகநாதன் தலைமையிலான பறக்கும்படை குழுவினர், வடபூண்டி பகுதியில் நேற்று மதியம் 3:50 மணியளவில் வாகன தணிக்கையில் ஈடுபட்டனர். அப்போது, வேப்பூர் நோக்கி சென்ற பைக்கில் (டி.என் 77 கே 7411) வந்த தம்பதியை நிறுத்தி சோதனை செய்தனர். அதில், மாடூரை சேர்ந்த மாயவன் மகன் மணிகண்டன் மற்றும் அவரது மனைவி அம்சா ஆகியோர் 2 லட்சம் ரூபாயை எடுத்து சென்றது தெரிந்தது. கூத்தக்குடியில் உள்ள மாமியாரிடம் கொடுக்க பணம் எடுத்து செல்வதாக அம்சா தெரிவித்தார். உரிய ஆவணங்கள் இல்லாததால், 2 லட்சம் ரூபாயை பறக்கும்படையினர் பறிமுதல் செய்து, கள்ளக்குறிச்சி ஆர்.டி.ஓ., லுார்துசாமியிடம் ஒப்படைத்தனர்.