சேலத்தில் மது விற்ற மூதாட்டிகள் கைது

சேலம் மதுவிலக்கு அமலாக்கத்துறை போலீஸ் சப்-இன்ஸ்பெக்டர் சக்திவேல் தலைமையில் போலீசார் ஜாரி கொண்டலாம்பட்டி பகுதியில் ரோந்து பணியில் ஈடுபட்டனர். அப்போது மூதாட்டி ஒருவர் சந்தேகப்படும் படி நின்று கொண்டிருந்தார். அவரை பிடித்து போலீசார் விசாரணை நடத்தினர். அவர் அதே பகுதியை சேர்ந்த சாரதா (வயது 67) என்றும் மதுபாட்டில்கள் பதுக்கி விற்பதும் தெரிந்தது. இதையடுத்து போலீசார் மூதாட்டியை கைது செய்தனர். அதே போன்று மதுபானம் விற்ற கிச்சிப்பாளையத்தை சேர்ந்த சத்யவாணி (65) கைது செய்தனர். 2 பேரிடம் இருந்து 14 மதுபாட்டில்களை போலீசார் பறிமுதல் செய்தனர்.