ஊதிய ஒப்பந்த பேச்சுவாா்த்தையை தொடங்க வலியுறுத்தி போக்குவரத்துக் கழக ஊழியா்கள் 24 மணி நேர போராட்டம்

தமிழ்நாடு அரசுப் போக்குவரத்து ஊழியா் சம்மேளனம் (சிஐடியு), தமிழ்நாடு அரசுப் போக்குவரத்துக் கழக ஊழியா்கள் சங்கம் ஆகியவை இணைந்து 24 மணி நேர பட்டினிப் போராட்டத்தை அறிவித்துள்ளன. இதன்படி, திருச்சியில் திங்கள்கிழமை 2 இடங்களில் உண்ணாவிரதப் போராட்டம் தொடங்கி நடைபெறுகிறது. திருச்சி ஆட்சியரகம் எதிரேயுள்ள அரசுப் போக்குவரத்துக் கழக தலைமை பணிமனை அலுவலகம் முன்பாக நடைபெறும் போராட்டத்துக்கு, சங்கத் தலைவா் மா. கருணாநிதி தலைமை வகித்தாா். பொதுச் செயலா் ஜெ. மாணிக்கம், துணைப் பொதுச் செயலா் ஆா். முருகன், துணைத் தலைவா்கள் சண்முகம், மாரியப்பன் ஆகியோா் முன்னிலை வகித்தனா். இதேபோல, சம்மேளனனத்தின் சாா்பில் டிவிஎஸ் டோல்கேட் பகுதியில் உள்ள விரைவுப் போக்குவரத்துக் கழக பணிமனை முன்பாக நடைபெறும் போராட்டத்துக்கு, மாநிலத் தலைவா் அருள்தாஸ் தலைமை வகித்தாா். மாவட்ட தலைவா் ஜெயராமன், கிளைத் தலைவா் ராமையா ஆகியோா் முன்னிலை வகித்தனா். இரு இடங்களிலும், இந்தப் போராட்டத்தை சிஐடியு மாவட்ட செயலரும், மாநில துணைத் தலைவருமான எஸ். ரெங்கராஜன் தொடங்கி வைத்து பேசினாா். போக்குவரத்துக் கழகங்களின் வரவுக்கும்-செலவுக்குமான வித்தியாசத் தொகையை தமிழக அரசின் பட்ஜெட்டில் ஆண்டுதோறும் ஒதுக்கி போக்குவரத்து கழகத்தை பாதுகாக்க வேண்டும். ஊதிய ஒப்பந்தப் பேச்சுவாா்த்தையை உடனே தொடங்க வேண்டும். ஓய்வு பெற்ற ஊழியா்களை பலன்கள் இல்லாமல் அனுப்பும் நடவடிக்கையை கைவிட வேண்டும். ஓய்வூதியா்களுக்கு நிறுத்தப்பட்ட அகவிலைப்படி உயா்வை வழங்க வேண்டும். குறைந்தபட்ச ஓய்வூதியத்தை முறைப்படுத்த வேண்டும். புதிய ஓய்வூதியத் திட்டத்தை ரத்து செய்ய வேண்டும் என்பது உள்ளிட்ட கோரிக்கைகளை வலியுறுத்தி இந்தப் போராட்டம் நடைபெறுகிறது. திங்கள்கிழமை காலை 10 மணிக்கு தொடங்கி செவ்வாய்க்கிழமை காலை 10 மணி வரையில் இந்த போராட்டம் நடைபெறுகிறது. 2 இடங்களிலும் நூற்றுக்கணக்கான தொழிலாளா்கள் போராட்டத்தில் பங்கேற்றுள்ளனா்.