தந்தை மகனை தாக்கிய 3 பேர் கைது

தூத்துக்குடியில் பைக்கில் வேகமாக சென்றதை தட்டிக் கேட்டதால் தந்தை மகனை தாக்கிய 3பேரை போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது , தூத்துக்குடி அண்ணா நகர் முதல் தெருவைச் சேர்ந்தவர் சந்திரசேகரன் (74), இவரது மகன் கண்ணன் (24). இவர்களது தெருவில் நேற்று 4 மோட்டார் பைக்குகளில் 8பேர் வேகமாக சென்றார்களாம். இதை பார்த்த கண்ணன் அவர்களிடம் மெதுவாக செல்லுமாறு கூறினார்.

இதனால் அவர்களுக்குள் தகராறு ஏற்பட்டுள்ளது. இதையடுத்து அந்த கும்பல் கண்ணனை கம்பால் தாக்கியது. இதனை தடுக்க முயன்ற அவரது தந்தை சந்திரசேகரனையும் அவர்கள் தாக்கினர். இதில் காயம் அடைந்த சந்திரசேகரன் தூத்துக்குடி அரசு மருத்துவமனையில் அனுமதிக்கப்பட்டார்.

இது தொடர்பாக புகாரின் பேரில் தென்பாகம் போலீஸ் சப் இன்ஸ்பெக்டர் முத்தமிழரசன் வழக்குப் பதிந்து டிஎம்பி காலனியைச் சேர்ந்த பூல்பாண்டி மகன் யோகேஷ் குமார் (40), லிங்ககுமார் மகன் சக்தி கணேஷ் (19), சுதாகர் மகன் ஜோஸ்பின் கிங் (24) ஆகிய 3 பேரை கைது செய்து விசாரணை நடத்தி வருகிறார். மேலும் 5பேரை போலீசார் தேடி வருகின்றனர்.