சேலத்தில் வாலிபரை தாக்கிய 3 பேர் கைது

சேலம் குகை பகுதியைச் சேர்ந்தவர் அசோக் குமார் (வயது 27), தனியார் நிறுவன ஊழியர். நேற்று முன்தினம் நெத்திமேடு பஸ் நிறுத்தம் அருகே மோட்டார் சைக்கிளில் சென்று கொண்டிருந்தார். அப்போது அங்கு சிலர் நின்று பேசிக் கொண்டிருந்தனர். அவர்கள் மீது மோதுவது போல மோட்டார் சைக்கிள் சென்றதாக தெரிகிறது. இது தொடர்பாக இருதரப்பினருக்கும் இடையே வாக்குவாதம், தகராறு ஏற்பட்டது.

இதில் ஆத்திரமடைந்த அந்த நபர்கள் அசோக் குமாரை தாக்கியதாக கூறப்படுகிறது. இதில் காயமடைந்த அவர் அருகிலுள்ள மருத்துவமனையில் சிகிச்சைக்காக அனுமதிக்கப்பட்டார். இது குறித்த புகாரின் பேரில் அன்னதானப்பட்டி போலீசார் வழக்குப்பதிவு செய்து விசாரணை நடத்தினர். அதில் அல்லிக்குட்டை பகுதியைச் சேர்ந்த ராஜேஷ் குமார் (30), பிரவீன் குமார் (29), கண்ணகி தெருவைச் சேர்ந்த சரத் குமார் (31) ஆகிய 3 பேரை போலீசார் கைது செய்தனர்.