பெருந்துறை அருகே 3 பேருந்துகள் மோதல் - 30க்கும் மேற்பட்டோர் காயம்

பெருந்துறையில் இயங்கி வரும் தனியார் பனியன் நிறுவனத்தில் பணிபுரியும் பெண் ஊழியர்களை புதுப்பாளையத்தில் உள்ள விடுதியில் விடுவதற்காக தனியார் பனியன் நிறுவனத்தின் இரு பேருந்துகள் ஒன்றன் பின் ஒன்றாக சென்றுகொண்டிருந்தன. அப்போது முன்னால் சென்றுகொண்டிருந்த தனியார் பனியன் நிறுவன பேருந்து மீது பின்னால். வந்து கொண்டிருந்த அதே நிறுவனத்தின் மற்றொரு பேருந்து மோதி விபத்து ஏற்பட்டது.தொடர்ந்து அதன் பின்னால் திருப்பூரில் இருந்து ஈரோட்டிற்கு வந்து கொண்டிருந்த அரசு பேருந்து விபத்துக்குள்ளான பேருந்து மீது மோதியது.இந்த விபத்தில் மூன்று பேருந்துகளிலும் பயணம் மேற்கொண்டிருந்த 30 க்கும் மேற்பட்டவர்கள் படுகாயமடைந்துள்ளனர்.சம்பவ இடத்திற்கு வந்த பெருந்துறை போலீசார் காயமடைந்தவர்களை மீட்டு பெருந்துறையில் உள்ள அரசு மருத்துவக்கல்லூரி மருத்துவமனையில் அனுமதித்தனர். அங்கு அவர்கள் சிகிச்சை பெற்று வருகின்றனர்.