விராலிமலை அருகே கார் மோதி 3 பேர் படுகாயம்

விராலிமலை ஒன்றியம் மாத்துார் சொக்க லிங்கபுரத்தை சேர்ந்தவர் மணிகண்டன்(29). நேற்று முன்தினம் இரவு மனைவி பாண்டிச் செல்வி (26), தங்கை முத்துகார்த்தி (21) ஆகிய இருவரையும் பைக்கில் அழைத்துக்கொண்டு திருச்சி புதுக்கோட்டை சாலையில் மாத்துார் பீளிக்கான் கோயில் அருகே சாலையை கடக்க முயன்றார்.

அப்போது புதுக்கோட்டையில் இருந்து திருச்சி நோக்கி சென்ற கார் எதிர்பா ராத விதமாக மோதியது. இதில், பைக்கில் வந்த மணிகண்டன், பாண்டிச்செல்வி, முத்துகார்த்தி ஆகிய 3 பேரும் படுகாயமடைந்தனர். அவர்களை அப்பகுதி மக்கள் மீட்டு சிகிச்சைக்காக திருச்சி அரசு மருத்துவமனைக்கு அனுப்பி வைத்தனர்.

விபத்து குறித்து மாத்துார் போலீசார் வழக்குப் பதிந்து காரை ஓட்டி வந்த தொட்டியம் மணமேடு பகுதியை சேர்ந்த சுரேஷ்குமார் என்பவரிடம் விசாரணை நடத்தி வருகின்றனர்.