நாகர்கோவிலில் வீட்டில் 3 கிலோ கஞ்சா பறிமுதல்: 2பேர் கைது

கன்னியாகுமரி மாவட்டம் நாகர்கோவில் கோட்டாறு பகுதியில் கஞ்சா பதுக்கி வைக்கப்பட்டிருப்பதாக போலீசாருக்கு ரகசிய தகவல் கிடைத்தது. அதன் பேரில் போலீசார் அந்த பகுதியில் ரகசிய கண்காணிப்பில் ஈடுபட்டனர். இந்த நிலையில் இன்று காலை ஒரு வீட்டில் கஞ்சா பதுக்கப்பட்டு இருப்பது கண்டுபிடிக்கப்பட்டது.

இதனை தொடர்ந்து போலீசார் அங்கு அதிரடி சோதனையில் ஈடுபட்டனர். அப்போது அந்த வீட்டில் இருந்து 3 கிலோ கஞ்சா பறிமுதல் செய்யப்பட்டது. இதில் தொடர்பாக இரண்டு பேரை பிடித்து போலீசார் விசாரணை நடத்தி வருகின்றனர். அதில் ஒருவர் கல்லூரி மாணவர் என தெரிய வருகிறது.

அவர்கள் கஞ்சாவை எங்கிருந்து வாங்கி வந்தார்கள்? இதனை யாருக்கு சப்ளை செய்ய வைத்துள்ளனர் என்பது குறித்து தீவிர விசாரணை நடைபெற்று வருகிறது.