கோழி திருடிய அண்ணன்- தம்பி உள்பட 3 பேர் கைது

சேலம் மாவட்டம் கெங்கவல்லி வட்டம் தலைவாசல் அருகே மும்முடி பகுதியை சேர்ந்த நாராயணன் என்பவரது விவசாய தோட்டத்தில் ஆடுகளை மரத்தில் விட் டுள்ளனர். நேற்று அதிகாலையில் கோழிகளின் சத்தம் கேட்டு நாராயணன் விழித்தார். அப்போது ஒரு நபர் ஆட்டை அவிழ்த்ததுடன், கோழியை பிடித்து கையில் வைத்திருந்தார். உடனே நாராயணன் சத்தம் போடவே அவர், அங்கு இருந்த மேலும் 2 பேருடன் செப்டிக் டேங்க் சுத்தம் செய்யும் வாகனத்துடன் தப்பி சென்றனர்.

நாராயணன் அக்கம் பக்கத்தில் உள்ளவர்க ளுடன் சேர்ந்து அவர்களை துரத்தி சென்றனர்.தலைவாசல் கொங்கு திருமண மண்டபம் பகுதியில் அவர்கள் 3 பேரையும் பொதுமக்கள் மடக்கி பிடித்து போலீசில் ஒப்ப டைத்தனர். அவர்களிடம் நடத்திய விசாரணையில் பகலில் செப்டிக் டேங்க் சுத்தம் செய்யும் பணியில் ஈடுபட்டதையும், இரவு கோழிகளை திருடியதும் தெரிய வந்தது. அவர்கள் கும்பகோணத்தை சேர்ந்த அருள்பாண்டியன் (வயது 29), சிவா (24), அருண் (23) என்பது தெரிய வந்தது. இதில் சிவாவும், அருணும் அண்ணன் தம்பிகள் ஆவர். 3 பேரையும் போலீசார் கைது செய்தனர்.