சிறுமிக்கு பாலியல் தொல்லை சித்தப்பா உட்பட 3 பேர் கைது

தஞ்சாவூர் மாவட்டம், திருவிடைமருதுார் அருகே செருகுடி காலனியைச் சேர்ந்த 9 ஆம் வகுப்பு படித்து வந்த 14 வயது சிறுமிக்கு மது ஊற்றி கொடுத்து பாலியல் துன்புறுத்தல் செய்ததாக வந்த புகாரின் பேரில் குழந்தைகள் நல பாதுகாப்பு அதிகாரிகள் திருவிடைமருதுார் அனைத்து மகளிர் காவல் ஆய்வாளர் சியாமளாதேவி உதவியுடன் விசாரணை நடத்தினர். இதில் சிறுமியின் தாய் தனலட்சுமிக்கும் கணவருக்கும் ஏற்பட்ட குடும்ப சண்டையில் சிறுமியை சித்தி மரகதம் வீட்டில் தங்க வைத்துள்ளனர். இந்நிலையில் சம்பவத்தன்று சித்தப்பா நரேந்திரன் சிறுமிக்கு மது ஊற்றி கொடுத்து குடிக்க வைத்து பாலியல் துன்புறுத்தல் செய்ததாகவும் அதற்கு உடந்தையாக தாய் தனலெட்சுமி மற்றும் சித்தி மரகதம் இருந்துள்ளதும் விசாரணையில் தெரியவந்தது. இதையடுத்து 3 பேரையும் மாவட்ட குழந்தைகள் நல பாதுகாப்பு அலுவலர்கள் திருவிடைமருதூர் அனைத்து மகளிர் காவல் ஆய்வாளர் சியாமளாதேவி உதவியுடன் கைது செய்தனர்.