நடந்து சென்றவரிடம் பணம் பறித்த 3 பேர் கைது

சேலம் அம்மாபேட்டை பகுதியை சேர்ந்தவர் கோபி (50). இவர் நேற்று முன்தினம் கிச்சிப்பாளையம் பாத்திமா நகரில் நடந்து சென்று கொண்டிருந்தார். அப்போது அந்த வழியாக வந்த கிச்சிப்பாளையம் பகுதியை சேர்ந்த லோகநாதன் (24), முனிராஜ் (20), அஜய் (21) ஆகியோர் அவரை வழிமறித்தனர். பின்னர் அவர்கள் கோபியிடம் கத்தியை காட்டி மிரட்டி ரூ.2 ஆயிரத்தை பறித்து சென்றனர். இதுகுறித்து கிச்சிப்பாளையம் போலீஸ் நிலையத்தில் புகார் கொடுக்கப்பட்டது. அதன்பேரில் போலீசார் வழக்குப்பதிவு செய்து லோகநாதன் உள்பட 3 பேரையும் கைது செய்தனர்.