பாதுகாப்பு பணியில் 3 ஆயிரம் போலீசார்

பழநி கோயிலில் கொண்டாடப்படும் முக்கிய திருவிழாக்களில் ஒன்று தைப்பூசம். இத்திருவிழா வரும் 19ம் தேதி துவங்குகிறது. 10 நாட்கள் நடைபெறும் இத்திருவிழாவிற்கு தமிழகத்தின் பல்வேறு பகுதிகளில் இருந்து 15 லட்சத்திற்கும் அதிகமான பக்தர்கள் பாதயாத்திரையாக வருவது வழக்கம். இத்திருவிழாவில் அசம்பாவிதங்களை தடுக்கும் வகையில் பலத்த போலீஸ் பாதுகாப்பு ஏற்படுத்த மாவட்ட ஆட்சியர் தலைமையில் நடந்த ஆலோசனை கூட்டத்தில் முடிவு செய்யப்பட்டது. இதன்படி தைப்பூச திருவிழாவிற்கு சுமார் 3 ஆயிரம் போலீசார் பாதுகாப்பு பணியில் ஈடுபடுத்தப்பட உள்ளதாக காவல்துறை அதிகாரிகள் தெரிவித்துள்ளனர்.