காஞ்சிபுரம் அருகே சாலை விபத்தில் 4 பேர் படுகாயம்

காஞ்சிபுரம், மாவட்டம் வாலாஜாபாதில் இருந்து, செங்கல்பட்டு நோக்கி 'மகேந்திரா' வேன் சென்றுக் கொண்டிருந்தது. அப்போது, செங்கல்பட்டு பகுதியில் இருந்து, காஞ்சிபுரம் நோக்கி சென்ற, 'மாருதி ஷிப்ட் டிசையர்' கார் புளியம்பாக்கம் அருகே, மோதிக்கொண்டன. இதில், காஞ்சிபுரம், திருக்காலிமேடு பகுதியைச் சேர்ந்த அறிவழகன், 30, லலிதா, 72. மற்றும் ஒ.பி.,குளம் பகுதியைச் சேர்ந்த குமார், 48, வரலட்சுமி, 33. ஆகிய நான்கு பேர் படுகாயமடைந்தனர். வாலாஜாபாத் போலீசார் படுகாயமடைந்தவர்களை மீட்டு, செங்கல்பட்டு அரசு மருத்துவ கல்லுாரி மற்றும் மருத்துவமனைக்கு அனுப்பி வைத்து விசாரிக்கின்றனர்.