சேலம் அருகே கடன் தொல்லை: ஒரே குடும்பத்தைச் சேர்ந்த 4 பேர் மாயம்

சேலம் அம்மாப்பேட்டை அருகேயுள்ள நாமமலை பகுதியை சேர்ந்தவர் செல்வம் (62). தறி தொழிலாளி. இவரது மனைவி புஷ்பா (52). இவரது தாய் பாக்கியம் (80), 2வது மகன் முருகன் (32) ஆகியோர் கூட்டு குடும்பமாக வசித்து வருகின்றனர்.

இவர்கள் கடந்த 5ம் தேதி மருத்துவமனைக்கு செல்வதாக கூறி சென்றனர். பின்னர் அவர்கள் 4 பேரும் வீட்டிற்கு வரவில்லை. அவர்களது செல்போன் சுவிட்ச் ஆப் செய்யப்பட்டுள்ளது. அதனால் அதிர்ச்சியடைந்த முருகனின் சகோதரர் கணேசன் பல்வேறு இடங்களில் தேடினார். ஆனால் அவர்களை கண்டுபிடிக்க முடியவில்லை. இது குறித்து கணேசன் அம்மாப்பேட்டை போலீசில் புகார் அளித்தார்.

அதன் பேரில் போலீசார் வழக்குப்பதிவு செய்து விசாரித்து வருகின்றனர். இதில், 15 லட்சம் கடனை திருப்பி செலுத்த முடியாததால் வீட்டை விட்டு மாயமாகி இருப்பது தெரியவந்தது. அவர்களை போலீசார் தேடி வருகின்றனர்.