சேர்வுகாரன்பாளையத்தில் சேவல் சூதாட்டத்தில் ஈடுபட்ட 4 பேர் கைது

வெள்ளகோவில் உதவி ஆய்வாளர் அர்ஜுனன் நேற்று தாசநாயக்கன்பட்டி பகுதியில் கண்காணிப்பு பணியில் ஈடுபட்டிருந்தார். அப்போது சேர்வக்காரன் பாளையம் பகவதி அம்மன் கோவில் பின்புறம் காட்டுப்பகுதியில் ஒரு கும்பல் பந்தயம் கட்டி சேவல் சண்டை சூதாட்டத்தில் ஈடுபட்டனர். இதை அடுத்து காவல்துறையினர் அங்கு சென்று சேவல் சண்டை சூதாட்டத்தில் ஈடுபட்ட புதுப்பை கார்த்திக் வயது 32, சரவணக்குமார் 24, முளையாம்பூண்டி கருப்பணவ வலசு பாலுசாமி 41, வள்ளியரச்சல் காரவலச சக்திவேல் 45, ஆகியோரை கைது செய்தனர். மேலும் ஒரு சேவல் மற்றும் ரூ.500 ரூபாய் பறிமுதல் செய்யப்பட்டது.