ஆலங்குளத்தில் கஞ்சா விற்ற 4 இளைஞர்கள் கைது

தென்காசி மாவட்டம் ஆலங்குளம் -நல்லூர் சாலையில் கஞ்சா விற்பனை செய்வதாக ஆலங்குளம் போலீசாருக்கு ரகசிய தகவல் கிடைத்தது . இதை தொடர்ந்து அங்கு சென்ற போலீசார் சிவலார்குளம் பிள்ளையார் கோவில் தெருவை சேர்ந்த முத்தையா மகன் மகேஷ் (24), அவரது சகோதரர்கள் பெர்லின் (23), கஜேந்திரன் (22) மற்றும் அவரது நண்பர் மரிய சுந்தரம் மகன் நவீன் (27 )ஆகியோரை ஆலங்குளம் போலீசார் கைது செய்து 3 கிலோ கஞ்சாவை பறிமுதல் செய்தனர் . இது குறித்து ஆலங்குளம் போலீசார் வழக்கு பதிவு செய்து விசாரணை மேற்கொண்டு வருகின்றனர்.