40 சவரன் நகை பீரோ உடைத்து பணம் திருட்டு

ஆவடி அடுத்த திருநின்றவூர், நாகாத்தம்மன் நகரைச் சேர்ந்தவர் அலமேலு மங்கை, 43. இவரது, கணவர் முருகேசன், 45. இவர்களுக்கு ஒரு மகள், மகன் உள்ளனர். கடந்த வாரம் மகளுடன் சென்னையில் உள்ள உறவினர் வீட்டிற்கு அலமேலு மங்கை சென்றார். அவரது கணவர் மற்றும் மகனும் வீட்டில் இருந்துள்ளனர். மகன் கல்லுாரிக்கு சென்றார். முருகேசன் வழக்கம் போல், வீட்டை பூட்டி சாவியை ஜன்னல் அருகே வைத்து சென்றார். அன்று மாலை, மகன் கல்லூரி முடித்து, வீட்டிற்கு வந்து பார்த்த போது, பீரோவை உடைத்து, 40 சவரன் நகை மற்றும் 90,000 ரூபாய் திருடப்பட்டது தெரிந்தது. புகாரின் படி, திருநின்றவூர் போலீசார் வழக்குப்பதிந்து மர்ம நபர்களை தேடி வருகின்றனர்.