கேரளாவுக்கு காரில் கடத்திய 400  கிலோ ரேஷன் அரிசி பறிமுதல்

கன்னியாகுமரியில் இருந்து கேரளாவுக்கு காரில் ரேஷன் அரிசி கடத்தப்படுவதாக கன்னியாகுமரி மாவட்ட உணவு கடத்தல் தடுப்பு பிரிவு போலீஸாருக்கு ரகசிய தகவல் கிடைத்தது. அதன் பேரில் மாவட்ட கடத்தல் தடுப்பு பிரிவு போலீஸ் சப்- இன்ஸ்பெக்டர்கள் சிவஞான பாண்டியன், துரை மற்றும் போலீசார் கன்னியாகுமரி கடற்கரை பகுதியில் தீவிர கண்காணிப்பு பணியில் ஈடுபட்டனர்.அப்போது அந்த வழியாக வந்த ஒரு காரை போலீசார் சோதனையிட்டனர். அதில் 400 கிலோ ரேஷன் அரிசி இருந்தது கண்டுபிடிக்கப்பட்டது. விசாரணையில் ரேஷன் அரிசியை கேரளாவுக்கு கடத்த முயன்றது கண்டறியப்பட்டது. தொடர்ந்து ரேஷன் அரிசியை காருடன் பறிமுதல் செய்த போலீசார் கார் டிரைவரான மார்த்தாண்டம் பகுதி சேர்ந்த சுரேஷ் (40) மற்றும் அதே பகுதியை சேர்ந்த செல்வராஜ் (47) ஆகியோரை கைது செய்தனர்.