4.86 லட்சத்திற்கு வெற்றிலைகள் விற்பனை

தர்மபுரி மாவட்டம், பாப்பிரெட்டிப்பட்டி சட்டமன்ற தொகுதிக்குட்பட்ட கடத்தூர் பகுதியில் ஒவ்வொரு வாரமும் ஞாயிற்றுக்கிழமை நாட்களில் வெற்றிலை வாரச்சந்தை நடைபெறுவது வழக்கம் அந்த வகையில் நேற்று காலை நடைபெற்ற வார சந்தையில் தர்மபுரி மாவட்டத்தின் பல்வேறு பகுதிகளில் இருந்தும் கிருஷ்ணகிரி, சேலம்,திருவண்ணாமலை உள்ளிட்ட வெளி மாவட்டங்களில் இருந்தும் ஏராளமான விவசாயிகள் மற்றும் வியாபாரிகள் வெற்றிலைகளை விற்க மற்றும் வாங்க வந்திருந்தனர்.

சமீப காலமாக பெய்த கனமழையால் வெற்றிலைகள் நன்கு வளர்ந்திருந்த நிலையில் வெற்றிகளின் வரத்து அதிகரித்தது. இதனை அடுத்து 128 கட்டுகளைக் கொண்ட ஒரு மூட்டை வெற்றிலை 13,000 முதல் அதிகபட்சமாக 18,000 ரூபாயில் வரை விற்பனையானது. மேலும் 27க்கும் மேற்பட்ட வெற்றிலை மூட்டைகள் விற்பனை செய்யப்பட்டு நேற்று ஒரே நாளில் 4.86 லட்சத்திற்கு வெற்றிலைகள் விற்பனையாளராக வியாபாரிகள் தெரிவித்தனர்.