தனியார் பேருந்து நடத்துனரை தாக்கிய 5 பேர் கைது

மதுரை மாவட்டம், உசிலம்பட்டியில் நேற்று முன்தினம் தேனியிலிருந்து வந்த தனியார் பேருந்து மதுரை நோக்கி சென்று கொண்டிருந்த போது மதுரை ரோட்டில் பிள்ளையார் கோவில் அருகில் பேருந்திற்கு வழிவிட மறுத்த ஆட்டோவில் சென்றவர்களை தட்டிக் கேட்ட தனியார் பேருந்து நடத்துனர் மற்றும் அவரது உதவியாளர் ஆட்டோவில் வந்த கஞ்சா மற்றும் மது போதையிலிருந்த இளைஞர்களால் சராமரியாக தாக்கப்பட்டனர்.தனியார் பேருந்து சார்பில் புகார் அளிக்கப்படாத நிலையில் இதுகுறித்த சிசிடிவி காட்சி நமது தொலைக்காட்சியில் வெளியானது.

பட்டபகலில் கஞ்சா போதையில் பேருந்து நடத்துனரை தாக்கும் சம்பவம் உசிலம்பட்டி பகுதியில் பெரும் அதிர்வலைகளை ஏற்படுத்தியது.இந்நிலையில் சிசிடிவி காட்சிகளின் அடிப்படையில் விசாரணை செய்து வந்த உசிலம்பட்டி நகர் போலிசார் பேருந்து நடத்துனரை தாக்கிய கட்டத்தேவன்பட்டியைச் சேர்ந்த அனிஷ்(28), சூர்யா(24), தினேஷ்(21), உதயக்குமார்(21), முத்தையா(24) ஆகிய 5 பேரைக் கைது செய்தனர்.

இவர்கள் கஞ்சா மற்றும் மது போதையில் உசிலம்பட்டி தேனி ரோட்டிலுள்ள மாதரை கிராமத்தின் அருகிலிருந்தே ஆட்டோவில் தனியார் பேருந்து நடத்துனருடன் வாக்குவாதத்தில் ஈடுபட்டு வந்ததுள தெரிய வந்தது.