நாய்கள் கடித்து 7 ஆடுகள் பலி

திண்டுக்கல்லை அடுத்த நொச்சி ஓடைப்பட்டி அருகே கவராயபட்டியைச் சேர்ந்தவர் தனசாமி (58) விவசாயி.இவர் தனது வீட்டிற்கு அருகிலேயே ஆடுகளை வளர்த்து வருகிறார். இந்நிலையில் அவர் சனிக்கிழமை வழக்கம்போல் ஆடுகளை மேய்த்து விட்டு 8 ஆடுகளை பட்டியில் அடைத்துள்ளார். அதனை ஞாயிற்றுகிழமை மேய்ச்சலுக்காக திறந்து விட பட்டியலை திறந்த போது நாய்கள் 7 ஆடுகளை கடித்து குதறியதால் இறந்து கிடந்தது. இது குறித்து தகவல் அறிந்த கூவனூத்து ஊராட்சி மன்ற தலைவர் முத்துலட்சுமி சத்யராஜ், கிராம நிவாக அலுவலர் வெங்கடேஷ், கால்நடை உதவி மருத்துவர் ஸ்ரீதர் ஆகியோர் சம்பவ இடத்திற்கு வந்தனர்.பின்னர் இறந்து கிடந்த 7 ஆடுகள் பிரேத பரிசோதனை செய்யப்பட்டு அங்கேயே குழி தோண்டி புதைக்கப்பட்டது.