கள்ளக்குறிச்சி தொகுதியில் 80.97 சதவீத பெண்கள் வாக்களிப்பு

கள்ளக்குறிச்சி லோக்சபா தொகுதியில், கள்ளக்குறிச்சி மாவட்டத்தைச் சேர்ந்த 3 சட்டசபை தொகுதிகளும், சேலம் மாவட்டத்தைச் சேர்ந்த 3 சட்டசபை தொகுதிகளும் உள்ளன. இங்கு, 7 லட்சத்து 73 ஆயிரத்து 526 ஆண் வாக்காளர்கள், 7 லட்சத்து 94 ஆயிரத்து 927 பெண் வாக்காளர்கள், 228 மூன்றாம் பாலினத்தவர்கள் என மொத்தமாக 15 லட்சத்து 68 ஆயிரத்து 681 வாக்காளர்கள் உள்ளனர். இதில், 5 லட்சத்து 98 ஆயிரத்து 303 ஆண் வாக்காளர்கள், 6 லட்சத்து 43 ஆயிரத்து 659 பெண் வாக்காளர்கள், 62 திருநங்கைகள் என மொத்தம் 12 லட்சத்து 42 ஆயிரத்து 24 பேர் ஓட்டளித்தனர். தேர்தலில் ஆண்களின் ஓட்டுகள் 77.34 சதவீதம் பதிவாகியுள்ளது. இதை விட பெண்களின் ஓட்டுகள் 80.97 பதிவாகியுள்ளது.