குடியிருப்பு பகுதிக்குள் புகுந்த 7 அடி நாகம் -அலறியடித்து ஒடிய மக்கள்

உளுந்தூர்பேட்டை, கைலாசநாதர் கோவில் முன், முட்புதர்கள் அகற்றும் பணி நடந்தது. அங்கு நாகப் பாம்பு ஒன்று படம் எடுத்து அச்சுறுத்தியது. பின், அருகில் இருந்த குடியிருப்பு பகுதிக்குள் புகுந்ததால், அங்கிருந்தவர்கள் அலறியடித்து ஓட்டம் பிடித்தனர். தகவல் அறிந்த உளுந்துார்பேட்டை தீயணைப்பு துறை நிலைய அலுவலர் சக்திவேல் தலைமையிலான வீரர்கள் பரந்தாமன், நடராஜன், லியாகத்அலி, சிவா, கலைப்ரியன், கோபாலகிருஷ்ணன் ஆகியோர் சம்பவ இடத்திற்கு விரைந்து 7 அடி நீளமுள்ள நல்ல பாம்பை பிடித்தனர். பாம்பை காப்புக் காட்டுக்குள் விட்டனர்.இதனால், அப்பகுதி மக்கள் நிம்மதியடைந்தனர்.