இராசிபுரம் அருகே மின்சார கம்பத்தில் கட்டிவைத்து பிறந்தநாள் கொண்டாட்டம்

இராசிபுரம் அருகே நண்பர் கார்த்தியின் 27-வது பிறந்தநாளை மின்சார துறையில் வேலை செய்யும் சக நண்பர்கள் மின்சார கம்பத்தில் கட்டி வைத்து கேக் வெட்டி வித்தியாசமான முறையில் பிறந்தாள் கொண்டாட்டாடியது அனைவரின் கவனத்தையும் கவர்ந்தது. நாமக்கல் மாவட்டம் ராசிபுரம் அடுத்த சிங்களாந்தபுரம் பகுதியைச் சேர்ந்த மின்சாரத் துறையில் வேலை செய்யும் சில நண்பர்கள் தனது நண்பன் கார்த்தி பிறந்த நாளை வித்தியாசமாக கொண்டாட முடிவு செய்து அவரை சிங்களாந்தபுரம் புறவழி சாலைக்கு அழைத்து வந்தனர்.

பின் அங்கு சாலையின் ஓரம் உள்ள மின்கம்பத்தில் அனைவரும் பிடித்து நண்பரை கட்டி வைத்து கேக் வெட்டி கொண்டாடியதோடு அவரை முகத்தில் கேக் பூசியும், மாட்டு சானத்தை கரைத்து ஊற்றி வித்தியாசமான முறையில் கொண்டாடி மகிழ்ந்தனர். இந்தப் பகுதியில் சாலையை கடந்த பலர் நண்பர்களின் இந்த வித்தியாசமான பிறந்த நாள் கொண்டாட்டத்தை நின்று ரசித்து சென்றனர்.