செல்போன் டவர் அகற்ற கோரி வீட்டின் முன்பு கருப்பு கொடி கட்டி போராட்டம்

திருப்பத்தூர் மாவட்டம் வாணியம்பாடியில் செல்போன் டவர் அகற்ற கோரி வீட்டின் முன்பு கருப்பு கொடி கட்டி போராட்டம். திருப்பத்தூர் மாவட்டம் வாணியம்பாடி பெருமாள் பேட்டை பகுதியில் செல் போன் டவர் செயல்பட்டு வருகின்றது இந்த செல்போன் டவர் இப்பகுதியில் வேண்டாம் என்று பலமுறை புகார் அளித்தும் நடவடிக்கை எடுக்கவில்லை என கோரி பொதுமக்கள் வரும் தேர்தலில் வாக்களிக்க மாட்டோம் என வாக்காளர் அடையாள அட்டையை அதிகாரிகளிடம் ஒப்படைத்து செல்போன் டவர் அமைக்கும் வீட்டு முன்பு போராட்டத்தில் ஈடுபட்டு வருகின்றனர். வாணியம்பாடி நகர காவல் நிலையத்தில் புகார் அளித்தும் வாணியம்பாடி துணை கண்காணிப்பாளர் விசாரணை செய்து நடவடிக்கை எடுக்க கோரியும் நடவடிக்கை எடுக்கவில்லை என பொதுமக்கள் குற்றச்சாட்டு முன் வைக்கின்றனர்.